فى حب مصر

]اصحى يا مصر
اصحى يا مصر
هزى هلالك
هاتى النصر
كونى يا مصر وعيشي يا مصر
مدي اديكى
وطولى العصر
اصحي وكوني وعيشي يا مصر
اصحى يا عامل مصر يا مجدع
وافهم دورك
ف الوردية
مهما بتتعب
مهما بتصنع
تعبك رايح
للحراميه
جهدك عملك
رزق عبالك
عرقك مرقك
ولا يهنا لك
اصحى يا عا مل
غير حالك
صون المصنع
واصنع مصر
اصحى وكونى وعيشي يا مصر

اصحى يا زارع مصر الخضره
قدره وخضره
ونور وجمال
ابدر غيطك
واحمى البدره
ضد الافه
والاستغلال
ارضك عرضك
باب الدار
صبحوا مداسه
للسمسار
نعطش
ولانشربش عكار
وصفه قالوها الحكما يامصر
اصحى وكونى وعيشي يا مصر


واصحى يا جندى
يا تار الشهدا
عمى وخالك
اختى واخوك
لجل ما تهدا وتارك يهدا
فرغ نارك ف اللى خانوك
يابن الشعب يا حامي الشعب
انت املنا فى يوم الصعب
اصحى يا جندى ودق الكعب
حرر مصر وطهر مصر
اصحى وكوني وعيشي يا مصر
ـــــــــــــــــــــــــــــ
هما مين و إ حنا مين ؟
هما الأمرا و السلاطين
هما المال و الحكم معاهم
و إحنا الفقرا المحرومين
حزر فزر شغّـل مخك
شوف مين فينا بيحكم مين ؟
*****
إحنا مين و هما مين
إحنا الفعلا البنايين
إحنا السنة و إحنا الفرض
إحنا الناس بالطول و العرض
من عافيتنا تقوم الارض
و عرقنا يخضر بساتين
حزر فزر شغل مخك
شوف مين فينا بيخدم مين ؟
*****
هما مين و إحنا مين ؟؟
هما الامرا و السلاطين
هما الفيلا و العربية
و النساوين المتنقية
حيوانات استهلاكية
شغلتهم حشو المصاري
حزر فزر شغل مخك
شوف مين فينا بياكل مين ؟
*****
إحنا مين و هما مين
إحنا قرنفل على ياسمين
إحنا الحرب : حطبها و نارها
و إحنا الجيش اللي يحررها
و إحنا الشهدا بكل مدارها
منكسرين أو منتصرين
حزر فزر شغل مخك
شوف مين فينا بيقتل مين ؟
*****
هما مين و إحنا مين
هما الامرا و السلاطين
هما مناظر بالمزيكه
و الزفة و شغل البوليتيكا
و دماغهم طبعاً استيكا
بس البركة بالميازين
حزر .. فزر شغل مخك
شوف مين فينا بيخدع مين ؟
******
هما مين و إحنا مين
هما الامرا و السلاطين
هما بيلبسوا أخر موضة
و إحنا بنسكن سبعة في أوضة
هما بياكلوا حمام و فراخ
و إحنا الفول دوخنا و داخ
هما بيمشوا بطيارات
و إحنا نموت بالاوتوبيسات
هما حياتهم بامب جميلة
هما فصيلة و إحنا فصيلة
حادي يا بادي يا عبد الهادي
يا اللي عليك قصد الغنوادي
لما الشعب يقوم و ينادي
يا إحنا يا هما في الدنيا دي
حزر فزر .. شغل مخك
شوف مين فينا حيغلب مين
ــــــــــــــــــــــــــــــــــــ

عشان انت مصرى... لازم تعانى

وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الأغانى
بتاع الحضارة وكانى ومانى
ده كله هجايص مايدخل ودانى
عشان انت مصرى العذاب بيناديك
بتبدأ فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش مية تشطف صابونة فى إيديك
وجسمك ملزق وريحتك عاديك
فتلبس وتنزل وفيك اللى فيك
ورايح لشغلك حتحتاج مواصلة
أدى المترو واقف وكهربته فاصلة
وفى الميكروباص خناقة وحاصلة
أوتوبيس فرامله عايزالها وصلة
وتوك توك ده تايه ومحتاج لبوصلة
بتوصل لشغلك بدم اتحرق
فى زحمة وكتمة وحر وعرق
رئيسك سايبلك كومة ورق
ده غير دمغة ضايعة وملف اتسرق
وفيه كام مواطن عامللك قلق
بيشكى تقول له روح اندعق
وعركة وهوجة وشاى اندلق
ومخك خلاص م الصداع اتفلق
هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استوي
عيالك بتطلب وهات كيت وكيت
تزعق تِهاتى ياناس اتهريت
ولا حد سامعك مهما هاتيت
عشان انت مصرى وده للاسف
فلازم تقاسى تعيش تتقرف
وكل الأساسى فى حياتك ترف
فتنسى الكرامة وتنسى الشرف
وتسرق وتنصب أو تنحرَف
ودمعك بيجرى وجرح[/font]ك نزف
مش انت اللى مصرى؟؟؟

رووووووووووووعة الله يصبركم على مااتاكم

الله يسلمك اختي

بنحكم ياااااااااااامصر

السلام عليكم ورحمه الله

جزاك الله خيرا أخى الكريم أبومجاهد
ونور الله بصيرتك وزادك الله حب لهذه البلد

وحب الوطن من الدين

ونسأل الله أن ينصر بلادنا وبلاد المسلمين
ويحرر الأقصى من الغاصبين

وصلى الله وسلم على محمد وآل محمد


تقبل مرور أخيك والسلام عليكم ورحمه الله

وعليكم السلام ورحمه الله وبركاته

حلو كتير الشعر ده يا ابو مجاهد

يسلموووووووووووووووووووووو