الرئيسيةالبوابهس .و .جبحـثالتسجيلدخول
لا اله الا الله
لا اله الا الله

شاطر | 
 

  ::::يوسف عليه السلآم أجمل من في الكون::::

اذهب الى الأسفل 
كاتب الموضوعرسالة
سارة


سارة

رساله sms النص

انثى

<b>المشاركات</b> 547

نقات : 7644

التقييم التقييم : 4

البلد : ام الدنيا مصر

المزاج المزاج : الله اعلم





مُساهمةموضوع: ::::يوسف عليه السلآم أجمل من في الكون::::    الثلاثاء أبريل 26, 2011 10:31 am


::::::::يوسف عليه السلام::::::::
شمعنه سيدنا يوسف بالذات؟

شخصية يوسف عليه السلام,,
و صفاته تخلي الواحد يحبه حيل و شلون قدر يقاوم الحياة واهوا غريب وبروحه وبعيد عن اهله وشلون ما استغل جماله بشكل خاطئ وشلون جرأته خلته ما ينحني جدام آلهة من حجر ويتحاور مع ملوك مصر بكل جرأة وشلون ذكاءه بالشغل وتفكيره ورحمته كل شي فيه خلاني ارتبط بشخصيته واستفيد منها بكل مراحل حياتي
اولا: طفولته ,,
يوسف عليه السلام كان مقرب من والده حيل ,,
والده علمه شلون يكون جريء وشلون يكون حكيم ويقول كلمة حق وما يخاف حتى من الكبار ,,
وكان يحاوره ويأدبه ويفهمه ويصاحبه وياخذه وياه وين مايروح,,


فـ تربى يوسف الذكي الجريء الجميل الي عنده مبدأ قوي ,,


ثاني شي:
غيرت اخوانه منه,,
منو بهالزمن الي احنا فيه ما يتعرض حق الغيره والحسد ..؟
مو شرط من اخوانه
ممكن يتعامل مع ناس تغار منه بكل شي وتحسده على اتفه الشغلات وتحاول تنتقم منه علشان النعمه الي اهوا ماله ذنب فيها!
لكن شوف ردت فعله وصبره و سماحة قلبه وطيبه؟


ثالث شي :تقدير النعمة
الله ينعم على الواحد بجمال وذكاء وجرأة ,,
الثلاثه ترى نعمه ونقمة واختبار بنفس الوقت!
الجميل الذكي عنده القدره يسحر الناس بجماله ويغويهم ويحقق كل الي بقلبه والي يبيه ويسخر الناس على كيفه ويمشيهم مثل ما اهوا يبي وبكلامه نفس الوقت وجرأته ترفع مقامه وتقربه من قلوب الناس اكثر,,
في ناس تستغل جمالها بشكل خاطيء ..
وفي ناس تستغل حلاوة لسانها وقدرتها على التعبير والذكاء باغواء الآخرين!
وفي ناس جرأتها تحولها لقلة أدب وعدم احترام !!


من يوسف عليه السلام تعلمت انه الجميل لازم يقدر جماله ويصونه ويحفظه ..
وانه القدرة على التعبير وحلاوة اللسان تستغل في النصيحه واقناع الناس بالشي الصح لانه بيدك مسؤوليه كبيره ودام الله عطاك طله حلوه واسلوب معبر اذن انت مطالب بارشاد الاخرين دام انت تدري ومتأكد انك بتقنعهم اذن انت بيدك سلاح قوي ومسؤوليه عظيمه مايصير تهملها ومايصير تستغلها خطأ لازم تنصح!
..
وانه الجرأة تتطلب من صاحبها ان يوقف عند حدود معينه التزاما واحتراما وليس خجلا !
وانه الجرأة تضع على عاتق صاحبها مسؤوليه اقناع من هم أعلى منه شأنا ومن هم أمكن منه على الآخرين حتى يستفيد الجميع


..
يوسف عليه السلام ما اغتر ابدا بجماله الي جماله نص جمال كل الكون وليس فقط نص جمال البشر !
يوسف محب الفقراء والعطوف عليهم ما نساهم لما طلع من السجن ولا نساهم لما صار عزيز مصر


يوسف الوفي ..


ما لهته النعمه والسلطه ونسى والده الحزين على فراقه ,,


يوسف الحنون المسامح..
عفى عن اخوانه رغم الجريمة البشعه الي ارتكبوها بحقه ..


يوسف مقدر الجميل..
عفى عن امرأة العزيز بعد الجريمة الي كانت تبي يرتكبها ,, واحترم زوجها الي تربى بقصره



والأهم من كل هذا ..




بقصة يوسف عليه السلام لقيت معنى يفيد بكل تفاصيل حياتي




وشفت دليل ومنهج امشي عليه بخطى ثابته بكل المواقف الي تعرضتلها بحياتي,,


يوسف عليه السلام خرج من بيت بسيط من بني كنعان وكانو رعاة بسطاء
وين راح؟
راح لحضارة تعتبر في ذاك الوقت اكثر حضارة متطورة في العالم ..
عاش بقصر وشاف الناس والدنيا والعلم ,,
امانه لو انسان عادي شنو كان بيسوي؟
كان بيغتر..!
وبيتكبر..!
وبينسى اهله..!
وراح تغويه الجميلات....!
لكن يوسف عليه السلام صج انه راح لهم واهوا صغير
لكن المبدأ المغروس في قلبه من والده وتربيته خلته اقوى من كل ملذات الحياة..وأكبر امتحان كان امتحان امرأة العزيز
كانت أكثر نساء مصر جمالا وغنى و سلطه
واهوا كان عبد في قصرها !
و سوت كل الي تقدر عليه من أساليب الوقاية و خذت كل الاحتياطات علشان لحد يدري فيها
ويابته عندها !! ومحد وياهم
لو اي واحد مكانه شنو كان بيسوي!
امرأة جميله حيل .. ملكه غنيه .. اهوا يشتغل عندها يعني بيخاف منها .. وماكو شي يمنع .. ولا اكو شي يخرع بالمكان ومحد بيدري !!
لكن لا!,,
مو هذا الي تربى عليه
مو هذا المبدأ !!
على الرغم من كل هذا ما نسى انها زوجة الانسان الي تربى في بيته!
ما خان صاحب المكان حتى واهو واثق 1000% انه ماراح يعرف شي!ما مشى ورا سحرها وجمالها وغرته واغوته بروحها لا اهيا ولا كل الي بعدها يبونه !
وهم ما خاف منها ولا قال اخاف تأذيني او تسجني
ولا خضع لتهديداتها وحتى امن سجنته فوق الـ 7 سنين وكانت تعذبه هم عاندها ليش؟لانه قوي المبدأ عنييييد ومتمسك بمبدأه


كم انت عظيم يا يوسف..



وكم انت رحيم وحنون ومتواضع ..






وكم يزيد حبي لشخصيتك كلما كبرت..




يَارَبْ أَشْكو لَكَ أُمورَا أَنْتَ تَعْلَمٌهَا~

مَالي عَلَى حَمْلهَا صَبْر وَلاَ جَلَد~وَقَدْ مَدَدْتٌ يَدي بالذٌل مُبْتَهلاًًَ~

الَيْكَ يَا مَنْ مُدٌتْ الَيْه يَدُ~فَلا تَرُدٌنَهاَ ياَ رَبُ خَائبَةُُْ~

فَبَحْرُ جُودكَ يَرْوي كُلٌ مَنْ يَردٍ~



انا حلم سوف تخفية الحقيقة ...........
وستطوية يد غير صديقة .......
فى حنايا حفرة عميقة ................
وسبكى اعين فوقى دقيقة .......
وينسانى غدا كل الخليقة .............
الرجوع الى أعلى الصفحة اذهب الى الأسفل
 
::::يوسف عليه السلآم أجمل من في الكون::::
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حبيب قلبى يا رسول الله :: القسم الاسلامي :: منتدى اصحاب رسول الله-
انتقل الى: