هاتضحك يعنى هاتضحك (2)

و الله يا جماعه انا مش عارف اقول الحكايه ديه ازاى
يارب اعرف امسك نفسى من الضحك
الاول انا عايزك تتخيل نفسك فى الموقف ده مكانى علشان تموت من الضحك
كنت قاعد فى المحل زى كل يوم عادى دخل عليا واحد و قالى انا عايز احمل اغانى على ال mp4
قلتله ماشى المهم كان طالب اغانى مسمعتش عنها فقلتله اكتبهم و عدى عليا كمان ساعه اكون نزلتهالك من على النت
قالى لا انا هاستنى معاك
انا فى الاول قلت انا هانزلهم زى السهم مش هاياخدوا ربع ساعه
ادور بقى فى سلقط فى ملقط على اسم الاغنية والمغنى استحاله يجوا مع بعض
يعنى مثلا الحوار ده جننى اغنية عودونى لعمر دياب
قالى انا عايزها ل (محمود الوجدانى) * متحاولش تدور عليها
المهم قعد معايا فوق الساعتين و مجبناش ولا اغنية
انا قلتله بص انا مابنزلش اغانى خلاص مكملتش الكلمة وواحد جالى و قالى و النبى يا غالى نزلى حبه شعبى
رحت فى منت ظبط الاداء و مشى الراجل
قالى ما تحطلى انا كمان شعبى
قلتله يعنى انت كل ده وفى الاخر تقولى حطلى شعبى
قالى يا سيدى كلها اغانى نزل نزل
كل لما اسمعه اغنية يقولى لالالالالا وحشة وحشة
انا بقى اتخنقت منه قلتله بقولك ايه اتكل على الله انا هاقفل و اروح خلاص
قالى يا عم انت زعلان ليه حطلى اغانى حلوة وخلاص
قمت فى منت ظبط الاداء ولسه هافصل ال mp4
لقيت واحد دخل بجلبيه كده و بيقوله
يعنى انت مافيش فايدة فيك ابدا هافضل الف عليك فى كل حته اقوم معايا يلا
قاله لا انا هانزل اغانى علشان اسمعها بصوت عالى بقى و الناس اللى فى المحل بصوا كده
حوار يقلق
راح الواد لقيت وشه احمر و بقى يعض فى صوابعه و يخبط على رجليه و ينفخ
انا جبت اخرى
قلتله بقولك ايه يا عم يلا اتكل على الله علشان مانعملش حكايه و بتاع و.................
راح الواد قالى انا هانزل اغانى يعنى هانزل اغانى و ابوه عمال يغمزلى (الراجل ابو جلبية) و قرب على ودانى و قالى ان ابنه معاه معامله اطفال و عور خمسه قبل كده
انا الصراحه خفت على المحل اكتر ما خفت على نفسى
قمت قاعد و وشى احمر و الواد بيبصلى كده فقلتله
امر يا استاذ
تحب انزلك ايه
قالى هاتلى كليب محمود الوجدانى
طيب و النبى انا اعمل ايه
قمت انا بقى استخدمت الشوية اللى فاضلين فى عقلى
كان فى عيلين بيلعبوا جاتا
قمت قايل ايه ده محمود الوجدانى اهوة سايق العربية يا ابن الجامدة
راح الواد اتنفض من مكانة و قالى هو فين
قلتله تعاله اخليك تشوفة
قمت مقعده على جهاز و شغلتله جاتا و قلتله بص هو راكب عربية كارو عارفها قالى اه
قلتله اول لما تشوفة اندهلى و انا اخليه يغنيلك الاغنية و يصورلك الكليب كمان
قمت مركبه عربية و ريته يمشى ازاى و عاش فى اللعبة و خت من ابوة 20 جنية تحت الحساب
و فضل يدور من الساعه 8 بليل لحد الساعه 1 و ربع و فى الاخر قام و قالى انا هاجى بكرة ادور عليه
و انا انهاردة مستنية لما يجى وربنا يستر