أهلا يا رمضان
أهلاً أهلاً يا رمضان
شهر الصوم شهر الغفران
شهر الطاعه شهر التوبه
شهر تجاهل للعصيان
أهلاً أهلاً يا رمضان
بما أننا قررنا التوبه
طول الشهر إن شاء الله
هانصوم وهانختم قران
كدا كام مره بإذن الله
والطرحه كبيره مغطيه
نص الجسم وكل الشعر
واللبس طبيعي هايتغير
بعبايه مخصوص للشهر
كلة هايمسك سبحه ف ايده
والعين شايفه المصحف بس
اي فقير علي طول تديله
كل كلامنا تسبيح بس
أهلا أهلاً يا رمضان
شهر الصوم شهر الغفران
شهر الطاعة شهر التوبه
شهر تجاهل للعصيان
ضرب المدفع خلص الصوم
يتبدل حالنا ف ثواني
ونتنح للتلفزيون
مسلسل ووراه التاني
ومسابقات جاوب وهاتربح
ومقالب سوكه وشرفنتح
والناس مسحوبه م الرقبه
زي التور ف الحيطه بينطح
كل شويا أكل وشرب
وكأنه مخزون للحرب
ناس بتصلي وقلبها خاشع
و ناس قاعده تتسلي ف لب
عدي اليوم وعدي التاني
فات تقريباً نص الشهر
والناس ولا حسه أه ياني
أهم 10 ايام ف الشهر
راحوا الايام ف التنفيض
هربت منهم ليله القدر
والتحضير للبس العيد
راحت اعظم ليله ف الشهر
راح رمضان وخلص العيد
تتبدل الناس بالناس
ناس كانت من شهر بعيد
راح رمضان وخد الاحساس
ولا قران ولا صلاه وذكر
ولا طرحه بتغطي الشعر
حاجه تحزن ايوها قلب
هي عبادة ربنا شهر
راح رمضان وكأن الطاعه
بتكون 30 يوم تحديداً
في نهاره بتكون الطاعه
وفي ليله يحدث تجديداً
ليه ما تكونش السنه رمضان
ليه ما تكونش السنه غفران
لو فينا حد هايضمن عمره
يضيع مليووووووون رمضان
من طرف طريق الهدايه اسدالسنه الإثنين ديسمبر 11, 2017 6:04 am
التقييم
المزاج
